 |
| Giacomo Noventa |
El poeta…
El poeta prepara una fiama,
Pian pianin… e el va vìa pian pianin,
Sue no’ xé che le prime falìve,
E la fiama lo spaventarà.
El poeta…
El poeta prepara una fiama,
Pian pianin… e el va vìa pian pianin.
Sue no’ xé che le prime falìve,
El va vìa… e nissùn savarà.
El poeta…
El poeta prepara una fiama,
Pian pianin… e el va vìa pian pianin.
Sue no’ xé che le prime falìve,
E po’ forse l’amor vignarà.
El poeta…
El poeta prepara una fiama,
Pian pianin… e el va vìa pian pianin.
Sue no’ xé che le prime falìve,
E po’ i santi e l’eroe vignarà.
da Versi e poesie, Marsilio, 1986
da Versi e poesie, Marsilio, 1986
Nessun commento:
Posta un commento