A la bedda di li beddi. Una poesia di Nino Martoglio

Bedda, cu fici a tia pinceva finu,

puteva fari scola a Tizianu,

ci travagghiò macari di bulinu

cu la pacenzia di lu franciscanu.

Bedda, cu fici a tia fu 'n Serafinu,

ch'aveva la fattura 'ntra li manu,

ti fici li labbruzza di rubinu

e li capiddi d'ebanu africanu.

Lu pettu ti lu fici palumminu,

li denti janchi e l'occhiu juculanu,

lu nasu privinutu e malantrinu,

nicu lu pedi e séngula la manu...

E doppu ca ti fici, 'st'assassinu,

spizzò la furma e la jittò luntanu

Alla bella delle belle

Bella chi ha fatto te dipingeva finemente,

poteva fare da maestro a Tiziano,

e ha lavorato pure di bulino

con la pazienza del francescano.

Bella chi ha fatto te fu un Serafino

che aveva l'incantesimo nelle mani:

le labbra piccole ha fatto di rubino

e i capelli d'ebano africano.

Il petto te lo fece di colomba,

i denti bianchi e l'occhio giocoso,

il naso prevenuto e malandrino,

piccolo il piede, sottile la mano.

E dopo che ti ha fatto, quest'assassino
prese la forma e la gettò lontano.