12.11.12

La poesia del lunedì. Edoardo Nicolardi (1878-1954)

Il poeta e paroliere napoletano Edardo Nicolardi
noto soprattutto per il testo della "Tamurriata nera"
Semplicità
Te voglio comme si': spettenatella:
stu riccio crapicciuso e 'mpertinente;
sti capille accussi bùccole e anella,
senza ferriette e senza abbellimente;
nè niro all'uocchie, nè pittura a 'o musso:
senza cipria pe ffaccia e senza russo;

cu stu scialle granato ncopp' 'e spalle
c' 'o pizzo aggraffatiello  'int'a nu fianco,
e stu pietto ca votta  'a sotto 'o scialle
e fa vede nu poco 'e rosa e gghianco.
Cu sta taglia aggarbata e assanguatella
 nun 'o ssaie manco tu quanto si' bella.

Te voglio comme si': ca i' nun me sbaglio
quanno dico ca si' na maraviglia:
senza n'aniello, senza nu sciucquaglio,
senza nievo a ppusticcio e mantechiglia:
semplice e schietta, spriceta e carnale,
carne sincera e tenta naturale.

Nessun commento:

statistiche