22.10.14

Pianefforte 'e notte. Una poesia di Salvatore Di Giacomo

Un'antica poesia, un tempo a molti nota, dai begli effetti sentimentali, che un suono dalla via, in questa tarda serata, mi ha rammentato. (S.L.L.)

Nu pianefforte 'e notte
sona, luntanamente,
e 'a museca se sente
pe ll' aria suspirà.

È ll' una: dorme 'o vico
ncopp' a sta nonna nonna
'e nu mutivo antico
'e tanto tiempo fa.

Dio, quanta stelle ncielo
Che luna! E c' aria doce!
Quanto na bella voce
vurria sentì canta!

Ma sulitario e lento
more 'o mutivo antico;
se fa cchiù cupo 'o vico
dint' a ll' oscurità.

Ll' anema mia surtanto
rummane a sta fenesta.
Aspetta ancora. E resta,
ncantannose, a penzà.

da Poesie e Canzoni, Luca Torre editore, 1993


Nessun commento:

statistiche