30.12.13

La poesia del lunedì. Diega Lo Presti Russo

LA PACI
Iu vitti la paci passari
nni l'occhi nnoccenti d'un picciriddu
ca sucava lu latti di la matri.
All'aria li piduzzi li jucava,
na manuzza lu pettu accarizzava.

Cantava la matri:
« Vuccuzza di meli,
vuccuzza di ciuri,
tu sì la me vita,
sì forza e caluri.
Lu cori mi canta,
mi ridi di spranza
di viditi omu, già granni, crisciutu,
a la spadda a to' patri,
a to' patri d'aiutu ».

Iu vitti la paci passari
nni l'omu miu curcatu a lu me' latu;
nni lu sonnu sirenu di li me' picciriddi,
nni l'occhi pitturati e alluccuteddi
d'un cavadduzzu e na pupidda biunna.

Iu vitti la paci passari
nni la simenza ca cadi nni lu surcu;
nni lu virdi tenniru ca lu suli callìa;
nni la fanci lucenti ca meti, abbrazzannuli, li spichi;
nni li manu stanchi di lu patri
ca fedda lu pani;
nni la ciuciuliàta
ca 'un sa si è d'aceddi o di carusi.

La paci è lu munnu quant'è granni,
su' tutti li picciriddi di lu munnu,
o su' bianchi o su' niuri o su' gialli
pirchì l'annacanu tutti a na manera
li mammi a li picciriddi c'hannu sonnu.
Guardamuccillu allura stu riposu,
guardamuccillu di tutti li malanni:
pirchì lu sonnu di li picciriddi
fussi sirenu mmenzu di li rosi,
pirchì l'ucchiuzzi luciti e nnoccenti
truvassiru la mamma ca li vasa.
Caltanissetta, 1959

LA PACE
Io vidi la pace passare
negli occhi innocenti di un bambino
che succhiava il latte della madre,
sgambettava,
con la manina le accarezzava il petto.

Cantava la madre:
“Boccuccia di miele,
boccuccia di fiore,
sei tu la mia vita,
sei forza e calore.
Il cuore mi canta,
mi ride per la speranza
di vederti uomo, già grande, cresciuto
a fianco di tuo padre,
a tuo padre d’aiuto.

Io vidi la pace passare
nel mio uomo coricato al mio fianco;
nel sonno sereno dei miei bambini,
negli occhi dipinti e stupefatti
di un cavalluccio e una bambolina bionda.

Io vidi la pace passare
nella semente che cade nel solco
nel verde tenero che il sole riscalda
nella falce lucente che miete, abbracciandole, le spighe;
nelle mani stanche del padre
che affetta il pane;
nel cinguettìo
che non sai se è di uccelli o di ragazzi.

La pace è il mondo quant’è grande,
sono tutti i bambini del mondo,
che siano bianchi, neri o gialli,
perché li cullano tutte allo stesso modo
le mamme i bambini che hanno sonno.
Proteggiamolo allora questo riposo
proteggiamolo da tutti i malanni;
perché il sonno dei bambini
possa essere sereno, tra le rose,
perché gli occhietti splendenti ed innocenti
possano trovare la mamma che li bacia. 

da Li jorna nostri nni lu surfaru culati, Lussografica, Caltanissetta, 1960

Nessun commento:

statistiche